Heyva Sor a Îtalya: Çarenivîsa 75 koçberên kestiyên noqbûyî nediyar e

PeyamaKurd – 17ê Hezîranê du keştiyên koçberan li peravên başûrê Îtalya yên Behra Spî binav bûbûn ku herî kêm 19 welatiyên Herêma Kurdistanê jî di nav de ne û aqûbeta wan nayê zanîn yan jî mirine.

Heyva Sor a Îtalyayê îro 19ê Hezîranê ragihand ku heta niha çarenivîsa 75 koçberên di herdu keştiyên noqbûyî de diyar nebûye.

Li gorî nûçeya Rûdawê ku dispêre rayedarên Heyva Sor a Îtalyayê di yek ji keştiyên binavbûyî de 10 kes xeniqîne û 54 kes jî hatine rizgarkirin.

Di keştiya duyem a koçberan de jî 11 kes hatine rizgarkirin û 65 koçber hîn winda ne.

Li gorî Heyva Sor di herdu keştiyan de 140 koçber hebûn û heta niha çarenivîsa 75 koçberan nediyar e.