Hêza 2 hezar û 500 polîsên ji Singalê tê amadekirin

PeyamaKurd -  Qeymeqamê rewa yê Şingalê Mehma Xelîl ragihand ku di çarçoveya rêkeftina asayîkirina rewşa Şingalê de, hêzeke ji 2 hezar û 500 polîsan pêk tê ji bo Şingalê têne amadekirin ku ji wan hezar û 500 ji koçberên nav kampan in û hezar polîs jî ji niştecihên Şingalê ne.

Qeymeqamê Şingalê Mehma Xelîl gotiye, rojane bêhtirî 10 hezar kes navên xwe tomar dikin û kesên bên qebûlkirin jî divê xwedî çend şert û mercan bin ku yek ji wan; temenê wan di navbera 18 û 35 salî de be û ti pirsgirêkeke wan a yasayî nebe.

Niha li navenda Şingalê û derdora wê hejmarek ji hêzên cuda cuda hene. Li gor rêkeftina Şingalê divê hemû hêz vekişin û li şûna wan hêzên polîsên ji niştecih û koçberên wê derê bikevin şûna wan hêzên cuda.

Yek ji xala rêkeftina Şingalê jî ew e ku 2500 kes weke polîsê ser bi hikûmeta federalî werin bicihkirin ku 1500 ji wan, yên nav kampên koçberan û1000 polîsên din jî li Şingalê bin.