Îlham Ehmed: Tirkiye dixwaze dest deyne ser çavkaniyên Sûriyê

PeyamaKurd – Hevseroka Meclîsa Demokratîk a Sûriyê (MSD) Îlham Ehmed di xwepêşandana mertalên zindî ya ku li Girê Spî li dijî operasyona Tirkiyê hat lidarxistin de, axivî û got, “Tirkiye dixwaze dest deyne ser çavkaniyên sirûştî yên Sûriyê.”

Ehmed bi tundî li dijî amadekariyên operasyona Tirkiyê derket û diyar kir, “Em gefên Tirkiyê qebûl nakin, em ê berxwe bidin.”

Îlham Ehmed herwiha bal kişand ser ku Erdogan ji bo êrîşkirina ser Rojava ji gelek dewletan destûr wergirtiye û da zanîn ku Fransa hewil dide herêma qedexeya firînê were avakirin.

Ehmedê destnîşan kir ku wan bi parastina qadên xwe yên jiyanê re rê li ber parçebûna Sûriyê girtiye û wan ti carî rêya dîyaloga bi aliyan re negirtiye.