Interpolê hisyariya DAISê da: Heta çend salan…

PeyamaKurd - Sekreterê Giştî yê Interpol (Saziya Polîsê Navdewletî) Jurgen Stock hişyariya DAIŞê da û got, dê gelek girtiyên DAIŞê heta çend salan werin berdan û ev dê pêleke mezin a tawanan bi xwe re bîne.

Stock li Parîs a paytexta Fransayê bersiva pirsên rojnamevanan da û derbarê metirsiya girtiyên DAIŞê de diyar kir, gelek tawanbarên DAIŞê hene cezayê hindik wergirtine û lewra jî dê li demeke nêzîk werin berdan.

Stock got, gelek ji wan kêmtirî 5 selan cezayê girtîgehê wergirtine û wiha dewam kir: "Li gelek deverên dinyayê ev piştevanên destpêkê yên terorê û terorîstên pêşîn, dê heta çend salan werin serbest berdan.”

Stock destnîşan kir, piştî serbest bûna wan terorîstan îhtimala ku pêleke êrîşên DAIŞê li seranserê dinyayê dîsa destpê bike.