Iraqê sandina petrola bo Hewlêrê rawestand

PeyamaKurd – Hat ragihandin ku Wezareta Petrolê ya Iraqê hinardekirina petrola xav a Kerkûkê ji bo  Parzûngeha Kar a Hewlêrê ji doh Duşemê ve rawestand.

Çavkaniyekî ji Wezareta Petrolê ya Iraqê daye xuyakirin, wezareta petrolê dixwaze ji niha û pê ve petrola zeviyên Xurmelê ya Kerkûkê tenê ji bo pêdiviyên parêzgeha Neynewa bikar bîne, loma jî şandina bo parzûngeha Kar a Hewlêrê hatiye rawestandin.

Beriya niha rojane 55-60 hezar bermîl petrola xav, bi rêya boriyê ji parzûngeha Kar a Hewlêrê re dihate şandin û ji bo her bermîlekê jî 8 dolar ji bo pakkirinê dihate wergirtin.

Hat zanîn ku sedema vê biryarê ew e ku hikûmeta Iraqê dixwaze pêdiviyên sotemeniyê yên Neynewayê ji parzûngeha petrolê ya Xurmelê dabîn bike û ji bo wê yekê jî pişta xwe bi yasa budçeya Iraqê ve girêdaye.Li aliyê din ji Kerkûkê bi tankeran  petrol ji bo Parzûngeha Qeywan a li Silêmaniyê tê şandin ku rojane ji 35-38 hezar bermîlan pêk tê.