Îsraîlê li Lubnanê çend hedefên Hizbullahê bomberan kir

PeyamaKurd - Balafirên şer ên Îsraîlê li bajarokê Ebitron ê başûrê Lubnanê hedefên Hizbullahê bombebaran kir.

Hate diyarkirin ku balafirên bêmirov ên Îsraîlê jî li aliyekî gundên bajarokê çiyayê El Betim, bajarokê Heniye û Zêqîn ên Lubnanê bombebaran kirin.

Li gorî medya Lubnanî, Îsraîlê bajarokê Ebitron û bajarokê Îta El Şeeb bi şev bombebaran kirine. 

Dîsa balafirên bêmirov ên Îsraîlê otomobîlek li çiyayê El Batim ê parêzgeha Sorê, yek li ser rêya di navbera bajarokê Heniye û Zêqîn de bombebaran kir ku yek ji otomobîlan ya endamekî Hizbullahê bû.

Derbarê birîndar û kuştiyan de agahîyên zelal nehatine belavkirin.