Îsraîlê bertekek tund ji gotinên Lavrov ên ‘Hîtler cihû bû’ re nîsan da…

PeyamaKurd – Îsraîlê bertekek tund ji gotinên Wezîrê Derve yê Rûsyayê Sergey Lavrov ku di hevpeyvînekê de gotibû, ‘Hîtler cihû bû û diberên herî mezin ên cihûyan jî cihû bixwe bûn’ re nîşan da û Balyozê Rûsya yê Tel Avîvê jî bangî wezareta derve kir.

Hat diyarkirin ku Îsraîlê ew gotinên Lavrov wekî daxuyaniyên gelekî xirab û metirsîdar nirxandiye û ji bo ravekirinan wan gotinan, bangî Balyozê Rûsya yê Tel Avîvê Anatoly Viktorov kiriye.

Wezîrê Derve yê Îsraîlê Yair Lapid jî li ser daxuyaniyên Lavrov ên bo televizyoneke îtalî li ser cihûyan û naziyan got, “Daxuyaniyeke skandal a nayê qebûlkirin e, şaşiyeke dîrokî û metirsîdar e.”

Herwiha Lapid daye xuyakirin ku ew li benda lêborîn xwestina Rûsyayê ne.