Ji Pentagonê daxuyaniyeke din bo Tirkiyê: Heta ku dev jê bernedin…

PeyamaKurd – Krîza navbera Tirkiyê ya li ser kirîna sîstemên parastina hewayî S-400ên rûsî rû daye, bi daxuyaniyên herdu aliyan berdewam dike ku ne Amerîka ne jî Tirkiye paşde gav navêje.

Berdevkê Wezareta Berevaniya Amerîkayê Mike Andrews piştî nameya dorpêçan a Wekîlê Wezîrê Derve Patrick Snahahan car din destnîşan kir ku heger Tirkiye S-400an teslîm bistîne ji Rûsyayê, dê bernameya F-35an pêl bi pêl bidawî were û heta ku dev ji S-400an bernede jî bernameya F-35an berdewam nake.

‘Tirkiye dev ji S-400an berde dê bernameya F-35an bidome’

Andrews diyar kir, heta ku Tirkiye dev ji standina S-400an berde dê wê çaxê bernameya radestkirin û perwerdeya balafirên F-35an berdewam bike.

Rayedarê Amerîkî herwiha da zanîn ku ew hîn jî bi hêvî ne ku Tirkiye standina S-400an betal bike.

Wezîrê Derve yê Tirkiyê Mevlut Çavuşoglu îro bi daxuyaniyekê dubare ragihand ku wan S-400an standine û dê werin Tirkiyê. Çavuşoglu herwiha got ku li hember dorpêçên Amerîkayê dê hin gavên ku ew li dijî Amerîkayê bavêjin hebin.