Kobanî: Heta naskirina rastîn û temsîla fermî çênebe em venakisin

PeyamaKurd – Fermandarê Giştî yê Hêzên Sûriya Demokratîk (HSD) Mezlûm Ebdî (Kobanî) ji Kurdên Ewropayê daxwaz berdewama çalakî û piştgirî û hişyarîkirina raya giştî kir û got, em ê bi hev re bi ser bikevin.

Fermandarê HSDê herwiha bi twîteke erebî jî bal kişand ser gelê Kurdistanê û dostên li Ewropayê ku bi helwesta xwe karekî gelekî baş dikin û got, “Heza li Cenevreyê û Komîteya Destûrê naskirineke rastîn û nûnertiyeke fermî (ya Kurdan) çênebe em venakişin.”

شعبنا الكردستاني وكافة اصدقائنا في أوروبا، تقومون بعمل رائع، بجهودكم تنتصر مقاومتنا ونتصدى لكل المؤامرات التي تستهدف وجودنا.
ولا يمكننا التراجع دون اعتراف حقيقي وتمثيل رسمي في جنيف واللجنة الدستورية.

— Mazloum Abdî مظلوم عبدي (@MazloumAbdi) October 29, 2019

Kobanî di twîta xwe ya Kurdî û Îngilizî de jî wiha got:

“Kurdistanî û dostên me yên li Ewrupa, hûn karekî hêja dikin. Piştgiriya we cihê şanaziyê ye. Em we spas dikin û hêvîdarin heta serkeftina mezin hûn piştgiriya xwe bidomînin û raya giştî hişiyar bikin. Em bi hev re serdikevin.”

Hêjayî bibîrxistinê ye, li gorî rêkeftina Soçî ya Tirkiye û Rûsyayê 150 saetên ji bo vekişîna hêzên Kurd hatibû dayîn îro bidawî dibe û Tirkiye tevî berdewama êrîşan jî gefa operasyonê dixwe û dibêje, YPG venekişiyaye sînorên bo wê hatine diyarkirin.