Kuweyt: Pistî hilwesîna parlamenê hikûmeta nû hate damezirandin

PeyamaKurd - Li Kuweytê, du roj piştî hilweşandina Parlemana Neteweyî hikûmeta nû hate avakirin.

Hikûmeta nû, bi biryarnameya Îmaretî ya ku duh bi serokatiya Şêx Ehmed Ebdullah Ehmed El-Sebah ve civîya ve hate damezirandin.

Li gor vê biryarnameyê, piraniya wezîrên berê yên wek Wezîrê Navxweyî, Wezîrê Parastinê, Wezîr3e Neftê, Wezîrê Derve û Wezîrê Darayî li ser postê xwe man.

Kabîneya ku ji 13 wezaretan pêk tê, li ser biryara Mîrê Kuweytê Şêx Meşal el-Ehmed el-Sabah ji bo hilweşandina Parlemana Neteweyî û rawestandina hin xalên destûrê, ji bo heyama ku ji 4 salan zêdetir nebe hat avakirin. Emîr û Encumena Wezîran roja Îniya borî desthilatên Parlemana Neteweyî hilgirtin ser xwe.

Fehd el-Yûsif wek Cîgirê Yekem ê Serokwezîr û Wezîrê Parastinê û Wezîrê Navxweyî hate destnîşankirin. Şerîa El-Mauşercî wek Cîgirê Serokwezîr û Wezîrê Dewletê yê ji bo karûbarên kabîneyê û Îmad el-Atîkî jî wek Cîgirê Serokwezîr û Wezîrê Neftê hat destnîşankirin.

Di kabîneya nû de Ebdulrehman El-Mutirî weke Wezîrê Ragihandin û Çandê, Ehmed El-Ewdî weke Wezîrê Tendirustiyê, Enwer El-Muzaf weke Wezîrê Darayî û Wezîrê Dewletê yê Karûbarên Aborî û Veberhênanê û Adil El-Edvanî weke Wezîrê Perwerdehî, Xwendina Bilind û Lêkolînên Zanistî hate destnîşankirin

Wezîrên din ên ketine kabîneyê ev in:

Abdullah Yehya - Wezîrê Derve

Nûra el-Mîşhan - Wezîrê Karên Giştî û Rêveberiyên Herêmî

Mihemed El Wesmî - Wezîrê Dadê û Wezîrê Karên Weqfan û Karên Îslamî

Omar Sihûd El Omar - Wezîrê Bazirganî û Pîşesazî û Wezîrê Dewletê yê Karûbarên Ragihandinê

Mehmûd Buşehrî - Wezîrê Elektrîk Av û Ûzeya tê nûjenkirin û Wezîrê Dewletê yê berpirsê avasaziyê