Li Bedlîsê 76 koçberên Afgan hatin desteserkirin

PeyamaKurd – Hate ragihandin ku li bajarê Bedlîsê yê Bakurê Kurdistanê, di nav barhilgirekê de 76 koçberên ji Afganistanê hatin desteserkirin û ajokarê barhilgirê jî hat binçavkirin.

Parêzgariya Bedlîsê ragihand ku tîmên girêdayî Fermandariya Cendirmeyan a bajêr di çarçoveya rûbirûbûna qaçaxçîtiya koçberan de barhilgirek rawestandiye û di nav de 76 koçber hatine desteserkirin ku ji Afganistanê ne.

Hate diyarkirin ku ajokarê barhilgirê jî bi îdîaya "qaçaxçîtiya koçberan" hatiye binçavkirin û bo dadgehê hatiye veguhestin.

Koçeberên hatine desteserkirin ji bo paşde vegerandinê bo Rêveberiya Îdareya Koçberan a Bedlîsê hatin şandin.