Li Çiyayê Gabarê rojane 5.300 varêl petrol dertê lê hedef 10 hezar varêle

PeyamaKurd – Di sala 2020an de li bajarê Şirnexê li Çiyayê Gabarê rêxistina TPAO ya bi ser wezareta karên enerjiyê û çavkaniyên xwezayî, li herêmê dest bi lêgerîna petrolê kiribû. Piştî petrol hat dîtin niha rojane 5.300 varêl petrol li deverê dertê. Hedefa TPAO yê ew e ku 2 bîrên din jî bixebitînin û rojane hilberîna petrolê derxin 10 hezar varêlî. Parêzgerê Şirnexê Osman Bilgin mijara petrolê weha ragihand:

“Gravîta petrolê zêde ye. Dema em petrola xam dixin depoya traktorê, dikare traktorê bixebitîne. Bi sondajê re niha hêzên me yên asayîşê û TPAO li deverên Cûdî, Gabar, Besta û Katoyê bi hevre li petrolê digerin. Sala were em ê miqdarê hilberînê derxin 25 hezar varêlî. Eger 25 hezar varêl derê, wê aboriya deverê biguhire û mirovên me karibin her cûre karê xwe bikin. Wê herêm bi ewle be. Ji aliyê asayîşê de, dê ti pirsgirêk tinebe.”