Li Colemêrgê qedexeya 15 rojan hat ragihandin

PeyamaKurd - Li bajarê Colemêrgê ya Bakurê Kurdistanê, 15 rojan hemû cûre çalakî hatin qedexekirin.

Li gor daxuyaniya ji aliyê Parêzgariya Colemêrgê ve hatiye belavkirin, ji îro Pênceşemê 3yê Îlonê heta ‎‎17ê Îlona 2020an, li sînorê wê parêzgehê û bajarok û navçeyên wê, civîn, xwepêşandan, meş, grev, ‎vedana çadir û standan û hemû çalakiyên wiha hatine qedexekirin.‎

Di daxuyaniyê hat diyarkirin, armanca vê biryarê parastina bingehên komarê, yekparçeyiya xelk û ‎axê, parastina maf û azadiya welatiyan û rêgirtin e li tavan û tevlîheviyan û herwiha belavbûna vîrusa Koronayê ye.‎

Zêdeyî çar salan e bi biryara Parêzgariyê, li navenda parêzgeha Colemêrgê, navçe û bajarokên wê, bi hincetên ‎cuda qedexe tê ragihandin û hemû cûreyên çalakiyan tên qedexekirin.