Li Efrînê komên çekdar bi çekan serê hev kirin

PeyamaKurd – Hate ragihandin ku koma çekdar a bi navê Siqûr El Şemal û çekdarên koma El Hemzat û El Emşat careke din li bajarê Mabeta yê herêma Efrîna bi hev ketin.

Li gorî çavkaniyên herêmê, şerê wan komên çekdar li nêzî gundê Gemrûk ê bajarê Mabetayê rû daye û bi çekên navîn û sivîk êrîşî hev kirine.

Herwiha Çavdêriya Mafên Mirovan a Sûriyeyê (SOHR) jî ragihand kuçekdarên Cebhe El Şamiye tevgerên xwe li nêzî gundê Kefer Cenê yê bajarê Efrînê zêde kirine û xalên nû danîne.

SOHRê diyar kiriye ku îro sibehê li heman herêman, çekdaran bi çekên sivik û navîn li hev xistine ku ev alozî 21ê Îlonê piştî biryara hilweşandina koma Siqûr El Şemal derketiye.

Derbarê windayên komên çekdar de ti agahiyên zelal nehatine belavkirin.