Li Îzmîrê di fabrîkayekê de teqîn pêk hat: Kesek mir 4 kes jî birîndar bûn

PeyamaKurd – navçeya Alîagayê ya Îzmîrê di fabrîkayeke kîmyewî de teqînek pêk hat, 4 karker bi giranî birîndar bûn û 1 jî mir. Teqîn û şewata ku ji ber kombûna gazê derket bi mudaxeleya îtfaiyeyê hat vemirandin û derbarê bûyerê de lêpirsîn hat destpêkirin.

Li gorî agahiyên ku hatine wergirtin ji ber gazê teqînek pêk hat û şewat derket. Li ser agahdarkirinê ekîbên îtfaiye, cendirme û tenduristiyê sewqî cihê bûyerê hatin kirin. Dema ekîbên agirkujiyê agir vemirandin ji aliyê ekîbên tenduristiyê ve hat tespîtkirin ku 4 karker bi giranî birîndar bûne û karkerê bi navê Îbrahîm A. miriye.

Karkerên birîndar bi ambûlansê rakirin Nexweşxaneya Dewletê ya Alîagayê. Têkildarî bûyerê lêpirsîn hat destpêkirin.