Li Îzmîr û Çanakkaleyê di 2 rojan de 47 koçberên bêdestûr hatin rizgarkirin

PeyamaKurd – 47 koçberên ku li peravên Îzmîr û Çanakkaleyê ji aliyê unsûrên Yûnanîstanê ve ber bi avên axa Tirkiyeyê ve hatibûn derbkirin, hatin rizgarkirin.

Li gorî daxuyaniya li ser malpera Fermandariya Ewlekariya Peravê, 2 jê zarok 15 koçberên neqanûnî yên ku li navçeya Karaburun a Îzmîrê ji aliyê unsûrên Yûnanîstanê ve ber bi avên axa Tirkiyeyê ve hatibûn derbkirin, hatin rizgarkirin.

Hat diyarkirin ku li peravên Çeşmeyê di boteke lastîkî de komek koçberên neqanûnî hebûn. 2 jê zarok 10 koçberên neqanûnî li boteke lastîkî ya ku ji aliyê bota Ewlekariya Peravê ve rawestandibû hatin girtin.

Ji aliyê din ve di daxuyaniya Fermandariya Koma Ewlehiya Peravê ya Bakurê Egeyê de hat ragihandin ku 32 koçberên qaçax ku 17 ji wan zarok in, ji gemiya jiyanê ya ku endamên Yûnanîstan paşve xistine nav avên axa Tirkiyeyê, hatine rizgarkirin.

Hat diyarkirin ku koçberên qaçax ên ku hatin birin qeraxê piştî karên wan teslîmî Navenda Vegerê hatin kirin.

Di meha Hezîranê de nêzî 35 koçberan ku di nav wan de Kurd jî hebûn, li beravên Îtalyayê ji ber noqbûna keştiya koçberên neqanûnî jiyana xwe ji dest dabûn. Li gorî daxuyaniyên hin koçberên rizgarbûyî, di wê keştiyê de 76 koçber hebûn, tenê 11 kes sax mane ku 7 ji wan Kurd in.

Asayîşa peravên Îtalyayê ragihand ku tenê termê 35 koçberan hatine dîtin û çarenivîsa 30 koçberên din jî nediyar e.