Li Muglayê hejmarek koçberên Iraqî û Sûriyeyî hatin girtin

PeyamaKurd - Li peravên navçeya Dalaman a bajarê Mugla yê Tirkiyê, 37 koçberên neyasayî hatin desteserkirin ku ‎hejmarek ji wan jin û zarok in û hewil didan bi rêyên qeçax ji Tirkiyê derkevin û biçin welatên ‎Ewropayê.‎

Hêzên ewlekariya peravan di operasyonekê de bo girtina kesên bazirganiyê bi koçberan dikin, li ‎peravên Dalamanê komek koçber dîtin.

Kom ji 37 koçberên neyasayî pêkhatibû ku 35 ji wan ‎Iraqî û 2 yên din Sûrî bûn û hemû ji aliyê tîmên ewlekariya peravan ve hatin girtin.‎

Koçber bo Bendera Gocek hatin veguhestin û piştî bidawîbûna karûbarên yasayî, radestî ‎rêveberiya Koç û Koçberan hatin kirin.‎