Li sûna endamên encûmena saredariyê qeyûm hatin danîn

PeyamaKurd – Piştî danîna qeyûma li şûna şaredariyan niha jî qeyûm danîn ser endamên encûmena şaredariyê.

Karmendên şaredariya navçeya Edremît (Artemêtan) a bajarê Wanê wekî qeyûm tayînî şûna 4 endamên encûmena şaredariyê hatin kirin ku beriya niha ji kar hatibûn dûrxistin. 

Wezareta Karê Navxwe ya Tirkiyê 4 endamên Meclîsa Şaredariya Artemêtanê ya Wanê ji kar dûr xistibûn û li şûna wan jî niha 4 karmendên şaredariyê wek qeyûm hatin tayînkirin.

Di şûna Hevşaredar Medenî Ozen de Midûrê Çandiniyê yê Navçeyê Ercan Karahan, di şûna Savaş Encu de Alîkarê Serokşaredar û Midurê Karên Nivîsan Vedat Îllî, di şûna Atiye Şen de jî Midurê Zabiteyan Abdullah Ekîncî û di şûna Sevînç Şeker de jî Midurê Îmarê yê Şaredariyê Nevzan Îlhan hatin danîn.