Li tevahiya Bakurê Kurdistanê pêleke berf û baranê destpê dike

PeyamaKurd – Saziya Keş û Hewayê ya Tirkiyê diyar kir, ji sibê pê ve li Diyarbekirê barana ku demeke dirêj e dihat çaverêkirin wê bibare û li tevahiya Bakurê Kurdistanê pêleke berf û baranê destpê dike.

Saziya Keş û Hewayê da zanîn ku tê pêşbînîkirin ji sibê roja Şemiyê pê de li Diyarbekirê baran destpê bike û li tevahiya Bakurê Kurdistanê jî pêleke berf û baranê bibandor be.

Saziya keş û hewayê sibê li Diyarbekirê baran heye û pileya germê jî herî zêde 4 û herî kêm jî 2 pile ye. Tê pêşbînîkirin ku heta hefteyekê baran bandora xwe bidomîne.

Herwiha sibê li bajarên wek Mêrdîn, Batman, Riha, Sêrt û Dîlokê jî pêşbiniya barîna baranê tê kirin. Li bajarên wek Şirnex, Colemêrg, Bedlîs, Wan, Erzirom û Qersê sibê pê de pêşbîniya befirê tê kirin.

Hişyarî bo ajokaran jî tê kirin ku li gorî şert û mercên hewayê tevbigerin û bergiriyên xwe bistînin.