Li Tirkiyeyê sindoq hatin girtin: Hejmartinê dest pê kir!

PeyamaKurd- Di Hilbijartinên Serokomarî û Parlamenteriyê yên ku îro li seranserê bajarên bakur û Tirkiyeyê dihatin rêvebirin de proseya dengdayînê bi dawî bû.

Dengdayîna ku îro saet di 08:00ê sibehê de dest pê kir, saet di 17:00an de bi dawî bû.

Li gorî agahiyên hatin ragihandin, sindoqên dengdanê yên li gumrikan jî di heman saetê de hatine girtin.

Di agahiyên ku ji aliyê Saziya Bilind a Hilbijartinan a Tirkiyeyê (YSK) ve hatin ragihandin de hat diyarkirin ku li 973 navçeyên 81 bajarên Tirkiye û Bakurê Kurdistanê, ji 191 hezarî zêdetir sindoq hatibûn danîn.

Hat diyarkirin ku di hilbijartinan de li na welêt  60 milyon û 697 hezar û 843 dengder hebûn û ji wan 4 milyon û 904 hezar û 672 dengder cara ewil bûne xwedî mafê dengdayînê.

Li gorî agahiyên destpêkê yên çapemeniya Tirkiyeyê, li seranserê bakur û Tirkiyeyê, rêjeya çûyîna ser sindoqan gihîştiye ji % 90î û hat diyarkirin ku rêjeyeke bi vî rengî, herî dawî di hilbijartinên ku piştî derbeya leşkerî ya 12ê Îlona 1980î hatibû kirin de hatiye dîtin.