Macron bi Pûtîn re axivî û banga agirbesta demûdest kir

PeyamaKurd – Serokomarê Fransa Emmanuel Macron îro 28ê Sibatê di roja 5emîn a êrîşa Rûsya ya ser Ûkraynayê de, bi Serokê Rûsya Vladimîr Pûtîn re pêwendiyeke telefonî pêk anî.

Koşka Elysee ragihand ku Macron û Pûtîn bi pêwendiyeke telefonî axivîne û diyar kir, Macron li ser daxwaza civaka navdewletî daxwaza rawestandina êrîşa ser Ûkraynayê kir.

Herwiha hatiye gotin ku Macron banga agirbesteke demûdest li Pûtîn kiriye û daxwaza parastina binesaziya sivîl kiriye.

Li gorî daxuyaniya Serokomariya Fransayê Macron ev pêwendî li ser daxwaza Serokê Ûkraynayê Volodimir Zelensky pêk anîye.

Rûsyayê li ser maseya muzakereyan gefeke tund li Ûkraynayê xwar

UNHCR: Zêdetirî 500 hezar Ûkraynî koçberî welatên Ewropayê bûn