Mazlûm Ebdî: DAIS valahiya ewlehiyê ya li beyabanan bi kar tîne

PeyamaKurd – Fermandarê Giştî yê Hêzên Sûriyeya Demokratîk (HSD) Mezlûm Ebdî, doh roja Yekşemê anî ziman ku DAIŞ valahiya ewlehiyê ya ku rejîma Esed li beyabanên Sûriyeyê hiştiye, ji bo komkirina çekan û avakirina cihên stratejîk bi kar tîne.

Mazlûm Ebdî ji Rojnameya The Times re axivî û got,

 “Valahiya ewlehiyê heye. Li beyabanan, DAIŞê kariye cih û çekan bide hevdu.”

Wî anî zimên kir ku armanca dawî ya DAIŞê ew e ku êrîşan li ser deverên bajarokî pêk bîne, û tekez kir ku hêzên HSDyê ji niha ve gav avêtine da ku tevgerên wê asteng bikin.

Di gotûbêjkirina paşeroja siyasî û rêveberiya Sûriyeyê de ya piştî desthilata rejîma Esed jî wî got: 

“Rêveberiya nû ya Sûriyeyê daxwazên navneteweyî ji bo pêkhateyan li ber çavan digire.” 

Lê da zanîn ku “Lêbelê, ev nêzîkatî berevajî îdeolojiya kesayetiyên mîna Ehmed el-Şera’a ye ku bi baweriyên xwe yên selefî û cîhadî tê naskirin.”

Ebdî destnîşan kir ku DAIŞ guhertina ber bi rêveberiya sivîl, ku ji qanûnên tund ên Îslamî dûr dikeve, îstîsmar dike.