Meclîsa Nûneran a Amerîkayê pakêta alîkariyê ya Îsraîlê pejirand

PeyamaKurd – Meclîsa Nûneran a Amerîkayê pêşnûmeya ku Komarîxwazan ji bo pakêta alîkariyê ya 14,3 milyar dolarî ji bo Îsraîlê xwestibû qebûl kir.

Di dengdana ku li Meclîsa Nûneran a Amerîkayê hat kirin de pêşnûme bi 226 dengên “erê” li hember 196 dengên “na” hat qebûlkirin.

12 endamên Demokrat piştgirî dan pêşnûmeya Komarparêzan, 2 endamên Komarî jî dengê "na" dan.

Di pêşnûmeya ku ji Îsraîlê re 14,3 milyar dolar pakêta alîkariyê tê dayîn, ji bo pergala parastina hewayî ya Îsraîlê "Qubba hesinî" û "Davîd Sling" 4 milyar dolar, ji bo hewaya "Tîra hesinî" jî wê 1,2 milyar dolar bê veqetandin, sîstema parastinê hate plankirin.

Pêşnûme pêşniyar dike ku ji bo Xizmeta Dahata Navxweyî ya Dewletên Yekbûyî (IRS) drav were qutkirin.

Divê pêşnûme erêkirina Senatoyê û Serokê Dewletên Yekbûyî yên Amerîkayê Joe Biden werbigire da ku bibe qanûn.

'Tê payîn ku ji Senatoyê derbas nebe'

Serokê Piranîya Senatoya Amerîkî Senator Chuck Schumer diyar kir, pêşnûme "pêşnûmayek pir xelet" e û Senato wê pêşnûmeyê "berçav neke".

Schumer got, ew ê li ser pakêta xwe ya alîkariyê ya lezgîn bixebitin û diyar kir, wê alîkariya însanî ya ji bo Îsraîl, Ukrayna û Gazzeyê jî di nav de be.

Senatoya ku Demokrat lê serdest e, li dijî pêşnûmeya Komarparêzan a ji bo dûrxistina alîkariya ji Ukraynayê û peydakirina fonên IRS re radiweste.