Medvedev, li ser sizayê ku li Putin hat birîn, gefa mosekî xwar!

PeyamaKurd- Li ser sizayê ku Dadgeha Sizayê ya Navneteweyî (ICC) ya li bajarê Den Haagê yê Hollandayê ku li Serokê Dewleta Rusyayê Vladimir Putin birîn, ji aliyê Cîgirê Serokê Konseya Ewlekariya Rusyayê Dmitri Medvedev ve rastî berteka gelek tund hat.

Dmitri Medvedev, îro bi rêya hesabê xwe yê medyaya civakî, gef li dijî avahiya li Den Haagê xwar ku dê bi moşekên hîpersonîk êrîşê bikin.

Medvedev di peyama xwe de got: "Birêzan, mixabin her kes di bin banê Xweda û rokêtan de dimeşe. Pêkan e ku mirov dikare bifikire ku moşeka hîpersonîk a Onyx ji keştiya Rusî ya li Deryaya Bakur were bikaranîn û dadgeha Laheyê bike armanc."

Siyasetmedarê 57 salî, di dewama peyama xwe de got ku qisûra bingehîn a hiqûqa navneteweyî, bi giştî bêbandorî ye û got:

“Welatên ku naxwazin biryarên alîgir ên Lijneya Giştî ya Neteweyên Yekbûyî (NY) bi cih bînin, biryarên Konseya Ewlekariyê ya Neteweyên Yekbûyî veto dikin û ji saziyên cuda yên NYê derdikevin. Ev jî ji ber neheqiyên komek dewletên serdest e ku li ser nepejirandina zorê li dewletên wekî wan ên serwer e... Yên wekhev li ser hev xwedî hêz nîn in.”

Medvedev her wiha îdia kir ku biryara Dadgeha Sizayê Giran a li ser Putin, dê encamên xirab ji bo hiqûqa navneteweyî derxe holê û axaftina xwe wiha berdewam kir:

“Ev têkçûna bingeh û prensîbên hiqûqê ye. Di vê yekê de gumanên di derbarê neçarbûna berpirsiyariyê de hene. Ji niha û pê ve kes serî li tu sazî û rêxistinên navneteweyî nade, her kes dê di nav xwe de li hev bikin. Hemû biryarên ehmeqî yên NY û saziyên din wê bişikînin. Xewabûna xirab a tevahiya pergala têkiliyên navneteweyî nêzîk dibe. Bawerî nema.”