Medya Îsraîlê: Pêsniyara Qeterê ya derbarê agirbestê de hate qebûl kirin

PeyamaKurd – Hate îdiakirin ku kabîneya şer a Îsraîlê, pêşniyara Qeterê ya derbarê pevguhertina dîlan de qebûl kiriye.

Li gorî ragihandina televizyona dewleta Îsraîlê KANê, pêşniyara Qeterê ya navberdana şer bo çend hefteyan û pevguhertina dîlan de hatiye qebûlkirin, lê xebatên li ser çawaniya agirbestê dewam dikin.

Hate diyarkirin ku Serokê MOSSADê David Barnea, çiraya kesk bo pêşniyarê pêxistiye û di hevdîtinên ligel Qeterê de jî pêşveçûn hene.

Li gorî medya Îsraîlê Qeterê ji bo pevguherina dîlên Xezzeyê pêşniyareke du qonaxan pêşkeş kiribû. Hatibû îdiakirin ku li beramberî berdana 40-50 dîlên îsraîlî yên di destê Hemasê de, wê mehekê navbera şer bê dayîn.