Mesrûr Barzanî bi sandeke bilind a Partiya El-Umme ya Iraqê re civiya

PeyamaKurd – Serokwezîrê Herêma Kurdistanê Mesrûr Barzanî îro bi şandeke bilind a Partiya El-Umme ya Iraqê bi serokatiya Sekreterê Giştî Mehmûd Husên El-Igêlî re civiya.

Di civînê de pêşhatên dawî yên Iraqê û amadekariyên hilbijartinên Encûmena Nûneran hatin guftûgokirin û tekezî li pêwîstiya xweşkirina zemînê li ber hilbijartineke pak hate kirin ku maf û daxwaza tevahiya pêkhateyan misoger bike.

Şanda Partiya El-Umme, pesnê helwesta Herêma Kurdistanê di mêvandarî û hevkariya bi sedan hezar koçberên parêzgehên Iraqî da ku bi aştî û azadî li Herêma Kurdistanê dijîn.

Di mijareke din a hevdîtinê de, qala girîngiya çareserkirina pirsgirêkên di navbera Herêma Kurdistanê û Hikûmeta Federalî de li ser bingeha destûrê hate kirin.