Mesrûr Barzanî: Cihê daxê ye ku pabendbûn sist bûye

PeyamaKurd - Serokê hikumeta Herêma Kurdistanê Mesrûr Barzanî, derbarê belavbûna zêdetir a şewba koronayê de peyamek nû weşand û diyar kir ku metirsiya koronayê gelek cidî ye û nêzîk e ev derd zêdetir belav bibe.

Ev jî deqa wê peyama Mesrûr Barzanî ye:

Hevwelatêyên birêz..

Metirsîya derdê koronaya nû (COVID- 19) gelek cidî ye û di van rojan de bi sedema sistîya pabendbûnê bi rênimayî yên tenduristîyê, lê nêzîk e ev derd bilez belav bibe.

‘Rê li ber belavbûna şewbê hat girin’

Em ji destpêka belavbûna vî derdî ve daxwaz ji hevwelatîyên xweştivî dkin, ku pabendî rênimayî yên tendurstî bin û spasîya we jî dikim, ku pabend bûn û bi awayeka gelek baş rê li pêş belavbûna wî derdî hate girtin û ev serkevtin jî bû cihê behs û avirdan gelek welat û rêkxistîyên nêvdewletî.

‘Cihê daxê ye ku pabendbûn sist bûye’

Lê cihê daxê ye, niha ev pabendbûn sistî têketîye, hinek alî jî hewla bi sîyasetkirina evan hewlên hikumetê dane û xwaztine ev rênimayîyên tenduristîyê bê nirx û bê mifa nîşan bidin û cihê daxê jîyana hevwelatîyan ji bo armancên xwe yên sîyasî xistîne di metirsîyê de. Niha ewên ku dijî rênimayî yên tenduristîyê  reftar kirine û xelik han dida daku pabendê rênimayîyan nebin, divê berpirsyarîya can û tenduristîya xelkê xistine di metirsîyê de bixene di stûyê xwe de û dawîyê bi yarîkirinê bi jîyana xelkê bihînin.

‘Pabendî rênimayiyan bin’

Ez careka dî daxwaz ji hemû xwîşk û birayên hevnîştîmanîyên xwe dikim pabendê rênimayîyên tenduristîy bin û tenduristîya xwe, kesûkarên xwe û xelkên din li jêr bandora wan piropagindeyan nexene di metirsîyê de.

 Selametîya hewe bo me ji hemû tiştan giringtire.

Mesrûr Barzanî

Serokê hikumeta Herêma Kurdistanê

29/5/2020