Midûriyeta Têkosîna Dijî Maddeyên Hisbir: 43 bazirgan û bazirganên tiryakê hatin desteserkirin

PeyamaKurd – Hat ragihandin ku di operasyonên ku ji serê meha cotmehê vir ve ji aliyê Midûriyeta Têkoşîna Dijî Maddeyên Hişbir ve hatin kirin de zêdeyî 16 kîlo tiryakên cuda hatin bidestxistin.

Di daxuyaniya nivîskî ya ku ji aliyê midûriyetê ve hat dayîn de hat diyarkirin ku xebatên beşa me ya têkoşîna li dijî tiryakê bi biryardarî dewam dikin.

Di daxuyaniyê de hat diyarkirin ku di operasyonên ku ji serê meha cotmehê heta 31ê Cotmehê hatin kirin de, 43 bazirgan û bazirganên tiryakê hatin desteserkirin û di operasyonan de zêdeyî 16 kîlo tiryak hat bidestxistin.

Di daxuyaniyê de hat ragihandin ku madeyên hişbirê yên ku di operasyonê de hatine desteserkirin ji 13 kîlo krîstal, 3 kîlo esrar û 172 gram eroîn pêk tê û wiha hat gotin: "Hinek ji wan kesên ku hatin desteserkirin karsazên mezin in ku di nav wan de karsazên navneteweyî jî hene û piştî girtina wan, şebekeyên wan hilweşiyane.

Hat diyarkirin ku hemû gumanbarên hatin desteserkirin radestî polîsan hatin kirin û di çarçoveya qanûna têkoşîna li dijî tiryak û madeyên derûnî de wê derbarê wan de tedbîr bên girtin.