Nêzîkî 5 milyar dolar ji bankayê hatin dizîn: Cezayên ku li bersûcan hatine birîn hatin eskerekirin

PeyamaKurd – Dadgeha Cezayê ya Kerhê ya Bexdayê di çarçoveya dosyaya "gendeliya sedsalê" ya li Iraqê de bi giştî 79 sal cezayê girtîgehê li 13 bersûcan birî.

Hat diyarkirin ku di bûyera ku di navbera salên 2021-2022an de li banka Rafideyin a Iraqê qewimî û wek “gendeliya sedsalê” hat binavkirin, nêzî 5 milyar dolar hatin dizîn.

Di daxuyaniya ku îro ji aliyê dadgehê ve hat dayîn de, hat gotin ku tometbarê sereke yê dozê Nûrî Zuheyr 10 sal cezayê girtîgehê lê hatiye birîn. Herwiha hat ragihandin ku rêveberê nivîsgeha serokwezîrê berê yê Iraqê Mistefa Kazimî Raîd Cûhî û 10 bersûcên din jî 6 sal cezayê girtîgehê û serokê berê yê Komîsyona Darayî ya Parlamentoya Iraqê Heysem Cûbûrî jî bi 3 sal cezayê girtîgehê hatiye cezakirin.

Endamê Parlamentoya Iraqê Mistefa Sened piştî rûniştina dadgehê vîdyoyek li ser medyaya civakî parve kir û derbarê pêvajoya dozê de agahî da. Sened got, "Piştî danişîna tund a 2 rojan, ji bo 13 bersûcan bi giştî biryara îdamê hat dayîn."

Sened diyar kir ku ev biryar bi yek dozê ve sînordar bûne û bersûcê sereke Nûrî Zuheyr jî ji ber dosyayên din ên wekî sextekarî û sextekariya gumrikê wê berdewam bin.

Hat ragihandin ku hemû mal û milkên Raîd Cuhî û Heysem Cuburî û Nûrî Zuheyr ên neguhêz û neguhêz hatine desteserkirin.

Di pêşnûmeyê de hat diyarkirin ku hemû mal û milkên Raîd Cuhî û Heysem Cuburî û Nûrî Zuheyr ên menqul û nemenqul hatine desteserkirin.

Bersûc hêj li derve ne

Tevî ku bi giştî 13 tometbar bi cezayê girtîgehê hatine mehkûmkirin, lê hinek ji wan tometbaran ku ji wan tometbarê sereke Nûrî Zuheyr, Raîd Cuhî û Heysem Cuburî jî hene, ji ber ku li derve ne, heta niha nehatine girtin.

"Diziya sedsalê"

Di navbera salên 2021 û 2022an de ji Banka Rafideyin a Iraqê bûyerek diziyê ku wek diziya sedsalê tê binavkirin, hat dîtin.

Li gorî zanyariyên destpêkê, nêzîkî 3 trîlyon û 700 milyar dînar (2 milyar û 500 milyon dolar) ji banka Rafideyin a Iraqê hatiye dizîn. Lê belê dema dosya bi berfirehî hat lêkolînkirin derket holê ku pereyê ku hatiye dizîn û talankirin gelekî zêde ye.

Li gorî zanyariyan, di bûyerê de 6 trîlyon û 500 milyar dînar (nêzîkî 5 milyar dolar) hatine dizîn.

Berî niha siyasetmedara naskirî û parlamentera berê ya Iraqê Meşan Cuburî li ser hesabê xwe yê medyaya civakî daxuyaniyek dabû û gotibû, “Hejmara pereyên ku ji bankê hatine dizîn gihîştiye 9 trilyon dînaran.”

Ji aliyê din ve, Wezîrê Navxwe yê Iraqê Osman Ganîmî di daxuyaniya xwe ya roja 26ê Cotmehê de ragihandibû ku Nûr Zuheyr ku yek ji tohmetbarên bûyerê ye, li balafirxaneyê dema dixwest bi balafireke taybet bireve derveyî welat, ji aliyê hêzên ewlehiyê yên taybet ve li balafirxaneyê hat girtin.