Navê serokê îstixbarata Sûriyê hat eskerekirin

PeyamaKurd – Enes Hattap di rêveberiya demî ya piştî hilweşandina rejîma Beas a Sûriyeyê de weke serokê nû yê saziya îstixbaratê hat tayînkirin.

Li gorî nûçeya Ajansa Nûçeyan a Sûriyê (SANA), Fermandariya Giştî ya Sûriyê ragihand ku weke serokê dezgeha îstixbaratê hatiye destnîşankirin. Li gorî vê yekê Enes Hattap bû serokê nû yê îstixbarata welêt. Derbarê Hattap de agahiyên berfireh nehatin parvekirin. Hattap bi Ehmed Şara (Colanî) re jî xwedî dîrokeke dirêj e.

"Enes Hattap kî ye"

Tê zanîn ku Enes Hattap (navê Ebû Ehmed Hudud) ku yek ji damezrînerên HTŞê ye, ev demeke dirêj e ligel serokê rêveberiya nû ya Sûriyê Ehmed Şara (Colanî) şer dike. Hat ragihandin ku Hattap jî wek Ahmet Şara di dema dagirkirina Iraqê de ji bo li dijî DYA şer bike çûye herêmê. Hattap ku di sala 2013an de yek ji parêzvanên Ehmed Şara (Colanî) bû, di sala 2014an de ketibû lîsteya mueyîdeyên Amerîkayê.