Nêçîrvan Barzanî: Silav li giyan û bîranînên nivîskarên Kurdistanê

11 February 2024 20:29 0 dîtin

PeyamaKurd - Serokê Herêma Kurdistanê Nêçîrvan Barzanî bi boneya damezrandina Yekîtiya Nivîskarên Kurdistanê peyameke pîrozbahiyê belav kir û nivîskarên Kurdistanê pîroz kir.

Serokê Herêmê Nêçîrvan Barzanî di peyama xwe de got: "Bi helkefta 54emîn salvegera damezrandina Yekîtiya Nivîskarên Kurdistanê, bi germî pîrozbahiyê li nivîskarên Kurd dikim û hêviya domandina serkeftin û pêşkeftinê li wan dikim. Ji ber xizmeta wan a peşxistina ziman û wêjeya Kurdî ez bi rêz û hurmet kar û xebatên nivîskarên Kurd pîroz dikim."

Nêçîrvan Barzanî destnîşan kir ku nivîskarên Kurd herdem ji bo hişyarkirina gelê Kurd, parastina nasnameya neteweyî ya Kurd û avakirina civakeke sivîl gelek xebat kirine û wiha dom kir:

"Silav li giyan û bîranînên wan nivîskarên mezin ên Kurdistanê ku xizmet û berhemên wan herdem di bîra me de dimîne. Em ê her wan bi rêzdarî bi bîr bînin."