Netanyahu û Blinken, li ser Rojhilata Navîn axivîn

PeyamaKurd- Li gorî agahiyên hatin ragihandin, Serokwezîrê Îsraîlê Benjamin Netanyahu bi Wezîrê Karên Derve yê Amerîkayê Blinken re bi telefonê axivî.

Li gorî agahiyên ku ji aliyê Wezareta Karên Derve ya Amerîkayê ve hatin ragihandin, Wezîrê Karên Derve yê Amerîkayê Antony Blinken bi Serokwezîrê Îsraîlê Benjamin Netanyahu re bi telefonê axivî.

Di daxuyaniya ku hat dayîn de hat eşkerekirin ku di hevdîtina dualî de berjewendiyên hevpar hatine axaftin û hat gotin ku

"Wezîr û Serokwezîr bi welatên herêmê re li ser mijarên berjewendiya hevpar, di nav wan de firehkirin û kûrkirina entegrasyona Îsraîlê ya li Rojhilata Navîn bi rêya asayîkirinê gotûbêj kirin."

Li gorî daxuyaniyê, Blinken diyar kir ku divê sozên ku di civînên herêmî yên li Aqaba û Şerm el-Şêx de hatine dayîn bên bicihanîn.

Her wiha hat zanîn ku Blinken bal kişandiye ser ewlehiyê û diyar kiriye ku divê bergirên ku hêviyên çareseriya du dewletan têk bibin, bên bicihanîn.