Neteweyên Yekbûyî ji sandina leskerên Koreya Bakur a Rûsyayê bifikar e

PeyamaKurd – Neteweyên Yekbûyî (NY) daxuyaniyek da û got, “Em raporên dawî yên şandina leşkerên Koreya Bakur ji bo Rûsyayê bi fikariyeke mezin dişopînin.”

Li Konseya Ewlehiyê ya Neteweyên Yekbûyî (KENY) geşedanên li Ûkraynayê hatin gotûbêjkirin.

Alîkarê Sekreterê Giştî yê Yekîtiya Ewropa, Asyaya Navîn û Amerîkayê li Yekîneya Karûbarên Siyasî ya Neteweyên Yekbûyî Miroslav Jenca ji welatên endam re ragihand ku di encama êrîşên Rûsyayê de li seranserê Ûkraynayê gelek sivîl bûne qurbanî û ziyana binesaziya krîtîk berdewam e. .

Jenca bal kişand ser wê yekê ku êrîşên li dijî sivîlan û binesaziya sivîl ji aliyê hiqûqa navneteweyî ve hatiye qedexekirin û got, “Ev êrîş li ku dibin bila bibin nayên qebûlkirin û divê demildest bi dawî bibin.”

Jenca amaje bi wê yekê jî kir ku şerê Rûsya û Ûkraynayê berdewam dike ku alozî û dubendiyên herêmî û cîhanî gurr dike, ji bilî wê yekê ku bandora wêranker li ser sivîlên Ûkraynayê heye.

Di berdewamê de jî got, “Em raporên dawî yên şandina leşkerên Koreya Bakur bo Rûsyayê bi fikareke kûr dişopînin.”