NY: Bi hezaran Suriyeyî, vegeriyan welatê xwe

PeyamaKurd- Ji aliyê Komîseriya Bilind a Penaberan a Neteweyên Yekbûyî (UNHCR) ve ragihand ku di nav 6 mehên dawî de nêzîkî 2 hezar Suriyeyiyên ku li Urdunê dijiyan, vegeriyane welatê xwe.

Di daxuyaniya UNHCRê de hat destnîşankirin ku ji destpêka sala 2023yan heta niha 16 hezar û 529 Suriyeyî ji Iraq, Urdun, Misir, Tirkiye û Lubnanê vegeriyane welatê xwe.

Li gorî zanyariyên hatin eşkerekirin, hejmara Suriyeyiyên ku tenê ji Urdunê vegeriyan welatê xwe, di 6 mehan de gihîşt hezar û 941 kesan.

Hat ragihandin ku di sala 2021ê de 35 hezar û 624 û di sala 2022an de jî 50 hezar û 966 penaberên Suriyeyê vegeriyane welatên xwe.

Rayedarên UNHCRê ragihand ku rojane 91 penaber niha vedigerin Suriyeyê.

Her wiha li gorî amarên fermî; ji sala 2011an ve ku şerê navxweyî li Suriyeyê dest pê kir, zêdetirî 13 milyon welatiyên Suriyeyê neçar mane ku koçber bibin.