NY hejmara dawî ya sivîlên li Ukrayna hatine kustin eskere kir

PeyamaKurd – Komîseriya Bilind a Mafên Mirovan a Neteweyên Yekbûyî (UHCHR) bi daxuyaniyekê eşkere kir ku ji 24ê Sibatê heta 17ê Nîsanê di encama şer û êrîşên Rûsyayê bi ser Ukraynayê de zêdetirî du hezar sivîl hatine kuştin.

Di daxuyaniya UHCHRê de hat diyarkirin, heta niha herî kêm 2 hezar û 72 kesên sivîl hatine kuştin û 2 hezar û 818 sivîl jî birîndar bûne.

Neteweyên Yekbûyî da zanîn ku Ukrayna tenê windahiyên sivîl yên teyît dike bi wan re parve dike û li gorî rayedarên Ukraynî hejmar gelekî zêdetir e.

Li gorî daxuyaniyê piraniya windahiyên sivîlan di encama topbaranên dijwar û bombardimanên bi moşek û balafiran hatine kirin, pêk hatine.