NYê, rewsa mirovî ragihand: 3 rojên din…

PeyamaKurd- Neteweyên Yekbûyî (NY) ragihand ku li Şerîda Xezayê bi têra 3 rojan sotemenî maye, nexweşxane û firin bêyî sotemeniyê nikarin bixebitin û alîkariya mirovî jî nayê kirin.

Di daxuyaniya ku ji aliyê Ajansa Alîkarî û Xebatê ya ji bo Penaberên Filistînî yên li Rojhilata Nêzîk (UNRWA) hat dayîn de hat destnîşankirin ku divê gihandina sotemeniyê ya ji bo Xezayê were garantîkirin û wiha hat gotin:

"Di nav 3 rojan de dê sotemenî biqede û ev yek ji bo bersivdayîna me ya mirovî ya li Şerîda Xezayê gelek girîng e. Bêyî sotemeniyê av, nexweşxane û firinên nan naxebitin. Bêyî sotemeniyê dê alîkarî negihêje wan. Ji ber hewcedariya wan a bêhêvî heye, bêyî sotemeniyê alîkariyên mirovî namînin."

Di daxuyaniya ku hat dayîn de hat diyarkirin ku UNRWA aktorê herî mezin a alîkariya mirovî ya li Şerîda Xezayê ye û wiha hat gotin:

"Nebûna sotemeniyê dê jin, zarok û gelê Xezayê hîn zêdetir bixeniqînin. Bêyî sotemeniyê em ê gelê Xezayê biterikînin. Di bin çavdêriya me de pêwîstiyên wan her ku diçe zêde dibin. Ev yek nabe û divê nebe.

Em bang li hemû aliyan û aliyên ku bandorê li wan dikin ku demildest rê bidin şandina sotemeniyê ya ji bo Zîvala Xezayê ji bo pêşîgirtina li têkçûna destwerdana mirovî."