Parêzgarê Duhokê: Rêjeya besdariya hilbijartinan li Duhokê bilind bû

PeyamaKurd – Parêzgarê Duhokê Elî Tatar diyar kir ku rêjeya beşdariya hilbijartinan li parêzgeha Duhokê bilind bûye, lê eger pirsgirêka nexwendina şopa tiliyan çênebûya, ev rêje gelek zêdetir bûya.

Elî Tatar piştî bidawîbûna dengdana giştî ya di çarçoveya hilbijartinên dewra 6. a Parlamentoya Kurdistanê de daxuyaniyek da çapemeniyê.

Alî Tatar spasiya hemû kesên ku keda wan di serkeftina hilbijartinan de heye, kir û got, “Li Duhokê ji saet 7ê sibehê heta 6ê êvarê ti gilî nehatine tomarkirin. Lê belê hin pirsgirêkên teknîkî hebûn û zû hatin çareserkirin û danê êvarê jî gelek amûr têk çûn.”

Parêzgar Tatar ji ber serkeftina proseyê li gelê Kurdistanê û Duhokê pîroz kir û got, “Pêvajoyeke demokratîk û medenî ye ku civaka Kurdistanê nîşan dide. “Ev serkeftina Kurdistanê û hemû gelê Kurdistanê ye.”

Alî Tatar destnîşan kir ku ji ber hincetên teknîkî şopa tiliyên wan nayê xwendin gelek welatî nikarin dengê xwe bidin û got ku ev pêvajo bi serketiye.

Parêzgarê Duhokê: "Her daneyeke din ji bilî ya ku ji aliyê komîsyonê ve hatiye ragihandin, ne fermî ye, rêjeya beşdariyê li parêzgeha Duhokê bilind bû, eger kêşeya nexwendina şopa tiliyê nebûya, rêjeya beşdariyê zêdetir bû."

Di çarçoveya hilbijartinên dewra 6. a Parlamentoya Kurdistanê de, roja Yekşemê 20ê Cotmeha 2024, di saet 7.00an proseya dengdana giştî ku li navçeyên Hewlêr, Silêmanî, Duhok û Helebce destpê kiribû, piştî saet 18:00an de makîneyên dengdanê bi awayekî otomatîk rawestiyan, bidawî hat.