Parlamentoya Tirkiyeyê bi rojeva guhertina destûra bingehîn vedibe

PeyamaKurd – Parlamentoya Tirkiyeyê sibe 1ê Cotmeha 2023yan li demjimêr 14:00 dicive û dest bi xebatên serdema 28an a nîveka duyem a salê dike.

Parlamento dê bi axaftina Serokomarê Tirkiyeyê Recep Tayyip Erdogan dest bi serdema nû bike û tê çaverêkirin, peyama herî girîng a Erdogan li ser guhertina destûra Tirkiyeyê bin ku di sala 1982yan de piştî darbeya leşkerî hatiye nivîsandin.

Piştî vekirina parlamenê wê komîsyona amadekar a guhertina destûr ya AK Partiyê dest bi karên xwe bike û ligel partiyên din ên parlamenê jî bicive.

Di parlamentoya Tirkiyê de 14 partiyên siyasî bi 6 komên parlamentoyê nûnertiyê dikin.

Herwiha tê çaverêkirin, fezlekeya rakirina parêzbendiya parlamenterê CHPê yê Diyarbekirê Sezgîn Tanrikulu jî pêşkeşî parlamentoyê bê kirin.