PDK: Bila ‘25ê Îlonê’ bibe ‘Roja Nistîmanî ya Gelên Kurdistanê’

PeyamaKurd - Serokê fraksiyona PDKê li Parlamentoya Kurdistanê Umêd Xoşnaw daxwaz li parlamentoyê kir ku roja 25ê Îlonê bibe Roja Niştîmanî ya Gelên Kurdistanê.

Di rûniştina îro ya 25.09.2019ê de li Parlamentoya Kurdistanê, serokê fraksiyona PDKê li Parlamentoya Kurdistanê Umêd Xoşnaw daxwaz ji desteya serokatiya Parlamentoya Kurdistanê kir, roja 25ê Îlonê her sal wek roja Niştîmanî ya Gelên Kurdistanê bê pênase kirin.

Umêd Xoşnaw diyar kir, herçend projeyasayek vê gavê bo pêşniyar amade nekirine jî, lê Parlamentoya Kurdistanê dikare rêkarên lez bo nasandina vê rojê wek rojekî niştimanî ya Gelên Kurdistanê bigre pêş.

Seroka Parlamentoya Kurdistanê Rêwaz Fayiq jî got ku bê pêşkeş kirina projeyasa ew desthilata wan nîne ku biryarê li ser Roja Niştîmaniya Gelên Kurdistanê bidin.

25ê Îlona 2017an gelên Kurdistanê ji bo referandûma serxwebûna Kurdistanê çûn ser sindoqên dengdanê û ji sedî 92.7 bi dengên ‘Belê’ serxwebûna Kurdistanê xwestin.