Pistgiriya 300 mîlyon dolarî ji Amerîkayê ji bo 'Wî' welatî!

PeyamaKurd – Pentagonê di daxuyaniyekê de ragihand ku Wezareta Derve ya Amerîkayê firotina 300 milyon dolarî amêran ji bo parastina sîstemên zanyariyên taktîkî yên Taywanê pesend kiriye û ev yek jî alîkariya Amerîkayê bo parastina giravê ye.

Hat gotin ku piştgirî wê şiyana Taywanê ya 'bi zêdekirina amadehiya operasyonê ve bi xetereyên heyî û pêşerojê re rû bi rû bimîne' û kapasîteyên C4 yên heyî yên ku herikîna ewleh a agahdariya taktîkî misoger dike biparêze.

Ajansa Hevkariya Ewlekariya Parastinê ya Pentagonê got ku ev firotin ji bo piştgiriya çerxa jiyanê ye ku ferman, kontrol, ragihandin û kapasîteyên komputerê yên Taywanê biparêze.

Wezareta Parastinê ya Taywanê di berdewamiya axaftina xwe de got ku ev firotin wê bibe alîkar ku bandoriya pergalên fermandarî û kontrolê yên şer ên hevbeş biparêze û bi vî rengî hişmendiya qada şer zêde bike.

Wezaretê got: "Operasyonên leşkerî yên Çînê yên gelek caran li derdora Taywanê ji bo me tehdîdeke cidî ye. Em li bendê ne ku firotin di nava mehekê de bikeve meriyetê."

Ofîsa Serokomariya Taywanê got, ev peyman, 12emîn firotina çekan a rêveberiya Serok Joe Biden ji Taypei re, girîngiya ku hukûmeta Dewletên Yekbûyî dide hewcedariyên berevaniyê yên giravê nîşan dide.