Pistî daxuyaniya Pentagonê careke din êrîsî Baregeha Eyn El-Esed kirin: 3 katyûsa ketin

PeyamaKurd -  Hate ragihandin ku di êrîya ser baregeha leşkerî ya Eyn El-Esed a hêzên Amerîkî ya li Iraqê de, 3 moşekên Katyûşa ketine.

Li gorî ragihandina Reutersê, îro 22yê Cotmehê roja Yekşemê 3 moşekên Katyûşa li baregeha leşkerî ya Eyn El-Esed a li parêzgeha Enbarê ketin.

Çavkaniyên leşkerî ragihandine ku dengê teqînekê di nava baregeha Eyn El-Esed de hatiye bihîstin.

Derbarê ziyanên êrîşa dawî ya ser baregehê de, ti agahî nehatine belavkirin û heta ti komekê berpirsiya êrîşê li xwe negirtiye.

Hêjayî gotinê ye, di çend rojên dawî de, ev êrîşa çaremîn e li ser hêzên Amerîkî li baregeha Eyn Esed tê kirin.

Baregeha Eyn El-Esed baregeha herî mezin a leşkerî ya Amerîka ya li Iraqê ye û ji sala 2014an ve, hatiye avakirin ku rola wan a sereke perwerdekirina hêzên Iraqî ye.

Beriya vê êrîşê jî Wezareta Berevaniyê ya Amerîkayê (Pentagon) îro Yekşemê ragihandiye, li hember êrişên vê dawiyê yên li ser hêzên Amerîkayê, ew ê sîstema berevaniya asmanî bişînin Rojhilata Navîn.

Austin ragihand: Amerîka piştî THAADê sîstemên Patrîot jî dişîne Rojhilata Navîn