Pistî êrîsên DAISê sandeke bilind a artêsa Iraqê serdana Kerkûkê kir

PeyamaKurd – Piştî zêdebûna êrîşên çekdarên DAIŞê bi ser hêzên Iraqê de, îro 19ê Hezîranê şandeke bilind a leşkerî ya Iraqê bi serokatiya serfermandarê artêşa Iraqê gihîşt Kerkûkê.

Şanda leşkerî ya Iraqê ji serfermandarê artêşa Iraqê Ferîqê Yekem Rukin Ebdulemîr Yarela û cîgirê fermandarê proseyên hevbeş a Iraqê Ferîqê Rukin Qeys Mihemedawî û Fermandarê polîsê Federal ê Iraqê Ferîq Salih Nasir Amrî pêk tê.

Fermandariya polîsê federal ê Iraqê li ser serdana şandê bo Kerkûkê ragihand, armanca serdanê gotûbêjkirina rewşa ewlehiya bajarê Kerkûkê ye û herwiha ji bo dabeşkirin û belavkirina hêzên ewlehiyê yên li parêzgehê ne.

Hêjayî gotinê ye, di demên dawî de li Kerkûkê, tevgera DAIŞê zêde bûye û di nav çar rojên borî de 3 caran êrîşî hêzên ewlehiyê kirine ku hejmarek leşkerên Iraqê hatin kuştin û birîndarkirin.