Putin gef xwar: Ser dê bibe tistekî din!

PeyamaKurd- Serokê Dewleta Rusyayê Vladimir Putin, di qenala dewletê ya Rossiyayê de li ser şerê navbera Rusya û Ukraynayê axivî.

Vladimir Putin, li ser êrîşa li dijî Ukraynayê nirxandinên berfireh kirin û got ku "Êrîşa kontra ya rawestandî bi temamî bi ser neket. Em dizanin ku li hin herêmên pevçûnan aliyên din hîn jî amadekariya operasyonên êrîşkar ên çalak dikin. Em vê yekê dibînin û li gorî vê yekê bertekê nîşan didin." 

Putin bal kişand ser wê yekê ku tiştê ku niha li ser xeta pêwendiyê diqewime jê re "parastina çalak" tê gotin û got ku yekîneyên leşkerî yên Rusyayê, li tevahiya herêmê çeperên xwe baştir kirine. 

Serokê Dewleta Rusyayê diyar kir ku ev herêm gelek fireh e û destnîşan kir ku ev ji bo Kupyansk, Zaporizhia û Avdeyevkayê jî derbasdar e.

Putin, li ser îdiaya ku Rusya û Çîn car din bloka leşkerî ava kirine de jî da zanîn ku Rojava her tim  dewletan diafirîne û axaftina xwe bi vî awayî berdewam kir:

"Me gelek caran got ku em di tifaqeke wiha ya leşkerî û siyasî de nabin yek. Amerîkî vê yekê dikin. Her wiha mutefîkên xwe neçar dikin ku têkiliyên xwe yên bi Rusya û Çînê re xirab bikin.

Putin bal kişand ser wê yekê ku Çînê bi Rojava re dest bi şer nekir û Amerîka ev rê hilbijart û Ewropa kişand wir û got ku Ewropa naxwaze bi Çînê re şer bike û qebareya bazirganiya di navbera wan de her diçe zêde dibe.

Vladimir Putin, li ser pêşniyaza Kongreya Amerîkayê ya Washingtonê û hevalbendên wê ya ji bo amadekirina şerekî hemwext bi Rusyayê û Çînê re di nav de bijardeya pevçûna nukleerî dinirxîne, got ku

"Ez nafikirim ku ev ramanên saxlem in ku tên serê mirovên saxlem. Yanî dibêjin ku Amerîka xwe ji bo şer bi Rusyayê re amade dike... Em hemû ji şer re amade ne ji ber ku em prensîba kevnar a navdar dişopînin. Heke hûn aştiyê dixwazin, ji şer re amade bin. Lê em ji wê yekê dest pê dikin ku em aştiyê dixwazin. Lê ger bixwazin bi Rusyayê re şer bikin dê şerekî bi temamî cuda be, dê ne operasyoneke leşkerî ya taybet be.

Li Rojhilata Navîn binihêrin, gelo li wir operasyoneke leşkerî ya taybet heye? Ma ew bi rastî tê berbihevanîn? Heger em qala şerekî di navbera hêzên nukleerî yên mezin de bikin, ew bi tevahî cûda ye. Ew çîrokek e. Ez nafikirim ku ev fikir divê yan jî dikare were serê mirovên aqilmend. Lê heke wisa be, ew ê tenê me hişyar bike."

Serokê Dewleta Rusyayê, hegera şer hem bi Rusya û hem jî bi Çînê re wekî "bêaqilî" bi nav kir û got ku ew nafikire ku ev gotin cidî ne, ji bo tirsandinê tên rojevê.