Rêveberiya Hollandayê bertek nîsanî ragesiya di dema dengdayînê de da: Nayê qebûlkirin!

PeyamaKurd – Rêveberiya Hollandayê bertek nîşanî rageşiya di dema dengdayînê ya li welêt de da.

Hikûmeta Hollandayê diyar kir, Tirkiyeyê aloziya hilbijartinê hinartiye welatê wan û got, bûyerên danê êvarê yên di dema dengdana Hilbijartina Serokomariyê û Hilbijartina Serdema 28emîn a Parlamenteriyê ya Amsterdamê da qewimîn, "Nayên qebûlkirin."

Partiya Azadî (PVV) ya rastgira tund xwest ku hilbijêrên bi eslê xwe Tirk ên tevlî şer bûne "ji hemwelatiya Hollandayê bên derxistin û ji welêt bên derxistin".

Berî girtina sindoqên li Navenda Kongre û Pêşangeha RAI ya li Amsterdamê, danê êvarê saet di 21.00an de di navbera hilbijêrên bi eslê xwe Tirk de şer derket. Polîsê Amsterdamê rewşa awarte ragihand û polîsên çevîk sewqî herêmê kirin.

Wezîra Karûbarên Civakî ya Hollandayê Karîen van Gennîp derbarê bûyerên li ser sindoqê de agahî da Meclîsa Nûneran. Van Gennip got ku êvara Yekşemê 300 kes li ser sindoqên li RAI şer kirin.

Wezîra Hollandayê ti agahiyên zêdetir neda û da zanîn, lêpirsîna fermî ya li ser şerê di navbera aliyên cuda de didome. Van Gennip bal kişand ku çanda şer ne ya Hollandayê ye û got, "Tundî û tirsandina li ser sindoqan nayê qebûlkirin."

Wezîr van Gennip eşkere kir, hilbijartinên Tirkiyeyê di rewşeke gelekî aloz de derbas bûne û ev alozî derbasî Hollandayê bûye.

Wezîra Holendî balkişand li ser wê yekê ku dengdan mafekî bingehîn e û nayê astengkirin, wezîrê Holendî daxwaz kir ku di çarçoveya rêzgirtina qanûnê de, alozî bi awayê “hollandî”, bê tundî û tirsandin, bên ragihandin.

Van Gennip destnîşan kir, li ser pêşniyara wekîlan ew ê lêkolîn bikin ku ji bo hilbijartinên Tirkiyeyê jî mîna Hollandayê wê bi nameyê deng bidin yan na.

Parlamenterê Partiya Gel ji bo Azadî û Demokrasiyê (VVD) Bente Becker, ku hevparê sereke yê hikûmeta koalîsyonê ye, got ku gelê Hollandî yê bi eslê xwe Tirk "ji bo demeke dirêj û pir caran ji hêla rejîma Erdogan ve di bin bandor û tirsê de ne. ".

Becker, bal kişand ser îdiayên ku endamên Otmanên Otmanî yên ku bi nêzî AK Partiyê tên naskirin, di şer de cih girtine.