Rêveberiya Xweser bi daxuyaniyekê nasnameyên sehîdên Hesekê eskere kir

PeyamaKurd – Rêveberiya Xweser bi daxuyaniyekê nasnameyên şehîdên ku di encama êrîşa 2 roj berê ya ji aliyê Tirkiyê ve pêk hat eşkere kir û soza şopandina rêya wan da.

Dewleta Tirkiyê, 18ê vê mehê bi balafiran Navenda Perwedekirina Zarokên Keç bombebaran kir ku ev navend li ser rêya Heseke û Til Temirê ye û ji aliyê Neteweyên Yekbûyî ve tê bi rêvebirin.

Rêveberiya Xweser do bi daxuyaniyekê destnîşan kir, di encama êrîşê de 4 zarok şehîd û 11 jî birîndar bûne û gotibû: “Ev êrîşa hovane binpêkirina hemû pîvan û qanûnan e û sûcê şer e. Ev êrîş rûyê din ê DAIŞê ye.”

Rêveberiya Xweser îro nasanemyên van şehîdan eşkere kir û soza şopandina rêya hemû şehîdan heya pêkanîna xeyalên wan da.

Li gorî Rêveberiyê nasnameyên şehîdan wiha ne:

• Raniya Eta, sala 2002’an li Babê ji dayik bûye, 18ê Tebaxa 2022yan li Hesekê şehîd bû.

• Zozan Ize Dîn, sala 2004an li Kobanî ji dayik bûye, 18ê Tebaxa 2022yan li Hesekê şehîd bû.

• Diyana Elo, sala 2004an li Helebê ji dayik bûye, 18ê Tebaxa 2022yan li Hesekê şehîd bû.

• Dîlan Ize Dîn, sala 2004an li Kobanî ji dayik bûye, 18ê Tebaxa 2022yan li Hesekê şehîd bû