Rêveberiya Xweser hejmarek ji jin û zarokên malbatên DAISê yên Swêdî radestî wan kir

PeyamaKurd – Daîreya Têkiliyên Karên Derve ya Rêveberiya Xweser pêşwazî li şandeyeke Swêdî kir û hejmarek ji jin û zarokên malbatên DAIŞê yên Swêdî, radestî wan kir.

Şandeya Swêdê ku ji balyozê Swêdî Frederk Floren û Cîgira wî Kristîn Hidinburg pêk dihat, ji hêla Cîgirê Hevserokatiya Daîreyê Fener Giêt, berpirsa beşa Ewropa li daîreyê Şêwaz Xelîl û hin endamên Desteya Rêveber a daîreyê hate pêşwazîkirin.

Di civînê de rewşa herêmê hate nîqaşkirin û bal hate kişandin li ser êrîşên dawî yên çekdarên DAIŞê li ser Girtîgeha Xiwêran û êrîşên dewleta Tirk ên li ser herêmê.

Fener Giêt îşaret bi girîngiya piştgiriya siyasî û aborî ya herêmên Rêveberiya Xweser kir.

Herwiha şandeya Swêdî jî da zanîn, ew ê piştgiriya xwe ji bo Rêveberiya Xweser dewam bikin.

Di dawiyê de Daîreya Têkiliyan hejmarek ji jin û zarokên malbatên DAIŞê yên welatiyên Swêdê radestî şandeyê kir.