Riyadê ragihand ku heyva destpêka Remezanê hatiye dîtin

PeyamaKurd - Dîwana Mîrektiyê ya Erebistana Sihûdî ragihand ku meha Şabanê temam bûye û wê rojiya Remezanê roja Duşemê (Sibê) destpê bike.

Di daxuyaniya Dîwana Mîrektiyê de hate gotin ku Komîteya Çavdêriya Heyvê ya Dadgeha Bilind a Erebistana Sihûdî ragihandiye ku meha Şabanê wê di 10ê Adarê roja Yekşemê (îro) de temam bibe û wê rojiya Remezanê jî roja duşemê dest pê bike.

Di daxuyaniyê de hate ragihandin ku ji alî Navenda Çavdêriyê ya Hautat Sudair û El-Harîq ve heyy hatiye dîtin.

Li gor vê daxuyaniyê wê alema Îslamê îşev yekem paşîva xwe ya Remezana sala 2024an bixwe.

Pispor hişyarî didin û dibêjin ku divê mislimanên di meha Remezanê de rojiyê digirin di şîv paşîvê de zêde xwarinê nexwin.