Rûsya gaza ku disîne Ewropayê kêm dike

PeyamaKurd – Şîrketa enerjiyê ya Rûsî Gazprom ragihand ku rojekê beriya bidawîbûna peymana li ser herikîna gaza Rûsyayê ya di ser Ukraynayê re, rêjeya gaza ku ji Ewropayê re tê şandin kêm bûye.

Rûsyayê ragihand ku rêjeya gaza ku ji Ewropayê re tê şandin kêm bûye, rojek beriya ku peymana çûna gaza Rûsyayê bi rêya Ukraynayê ber bi Ewropayê bi dawî bibe.

Şîrketa enerjiyê ya Rûsî Gazprom ragihand ku beriya peymanê di 1ê Çileyê de biqede, li şûna 42,4 milyon gazê îro bi giştî 37,2 milyon metrekup gaz wê bişînin Ewropayê.

Heya ku lihevkirinek deqeya dawî nebe, tê çaverêkirin ku gaza ji bo Ewropayê bi rêya vê xetê ji saetên ewil ên sala nû ve raweste, ji ber ku peymana herikîna gazê ya 5 salan di navbera Rûsya û Ukraynayê de bi dawî dibe.

Serokê Rûsyayê Vladimîr Pûtîn di daxuyaniya xwe ya 26ê Kanûnê de gotibû ku îsal ji bo şandina gazê bi rêya Ukraynayê dem nemaye.