Rusyayê, êrîsa Îsraîlê sermezar kir: Nayê qebûlkirin!

PeyamaKurd- Wezareta Karên Derve ya Rusyayê, li ser êrîşa Îsraîlê ya li dijî nexweşxaneyên li Xezayê daxuyanî da û diyar kir ku êrîşên li dijî sivîlan û binesaziyên tenduristiyê, nayên qebûlkirin.

Hat destnîşankirin ku ji malbatên qurbaniyan, gelê Filistînê û hikûmetê re sersaxî hat xwestin û hat destnîşankirin ku Moskow ji ber bûyerên ku qewimîn gelek matmayî ye û bi berfirehî ev nirxandin hatin kirin:

“Careke din em bang li aliyên şer dikin ku demildest çalakiyên xwe kêm bikin û rêzê li hiqûqa mirovî ya navneteweyî bigirin. Em helwesta prensîb a Rusyayê li ser nepejirandina hemû şêweyên tundûtûjiyê li dijî sivîlan, êrîşên li ser navendên bijîşkî û binesaziyên sivîl ên din dubare dikin.”

Di daxuyaniyê de bal hat kişandin ser pêwîstiya xurtkirina hewildanên navneteweyî yên ji bo agirbesteke lezgîn û vekirina korîdorên mirovî û hat destnîşankirin ku ew ê alîkariyên pêwîst ên ji bo hemû organîzekirin û tehliyekirina her kesî û rawestandina karesata mirovî  bikin.

Hat diyarkirin ku hewildanên siyasîkirina vê mijarê ne guncav û exlaqî ye û hat diyarkirin ku dema ku Konseya Ewlekariyê ya Neteweyên Yekbûyî rewşê nirxand, divê beriya her tiştî li gorî berjewendiyên gelên ku li herêma pevçûnê mexdûr bûne tevbigere.