Sanda Hikûmeta Herêma Kurdistanê bi rayedarên Wezareta Bazirganî ya Tirkiyê re civiya

PeyamaKurd – Şanda Hikûmeta Herêma Kurdistanê, ji bo beşdarbûna li Korbenda Veberhênan û Bazirganî ya Tirkiye – Iraqê serdana Stenbolê kir û bi rayedarên Wezareta Bazirganî ya Tirkiyê re, rewşa veberhênan û bazirganiyê gotûbêj kirin. 

Do Pêncşemê 18ê Mijdara 2021ê şanda Hikûmeta Herêma Kurdistanê ku ji Serokê Dîwana Encûmena Wezîran a Kurdistanê Omêd Sebah, Serokê Desteya Veberhênanê Mihemed Şukrî, Serokê Liqa Hewlêrê ya Yekîtiya Hawirde û Hinardekarên Kurdistanê Geylan Hacî Seîd û Serokê Liqa Hewlêrê ya Mutahîtên Kurdistanê Sero Dizeyî pêk tê, gihîşte Stenbolê û sibe înê beşdarî Korbenda Veberhênan û Bazirganî ya Tirkiye – Iraqê dibin.

Li gor daxuyaniya Desteya Veberhênanê ya Herêma Kurdistanê, do şanda hikûmetê ligel Cîgirê Wezîrê Bazirganî yê Tirkiyê Mustafa Tuzcu civiya û rewşa veberhênan û bazirganiya navbera Tirkiye û Herêma Kurdistanê gotûbêj kirin û herdu aliyan tekezî li ser berfirehkirina pêwendiyên bazirganiyê û rakirina astengiyên bazirganiyê kirine.

Herwiha di civînê de Serokê Dîwanê Omêd Sebah dê gotarek pêşkêş bikde û Serokê Desteya Veberhênanê Mihemed Şukrî beşdarî çend panelan bibe.